శ్రీకాకుళం జిల్లా కోటబొమ్మాళి మండలం కొత్తపల్లి గ్రామస్థులు జనవరి నెల రేషన్ సరుకులు తక్షణమే ఇవ్వాలని డిమాండ్ చేస్తూ నిరసన వ్యక్తం చేశారు. వాలంటీర్లు తమకు రేషన్ సరుకులు ఇవ్వలేదని ఆవేదన వ్యక్తం చేశారు. గ్రామంలో 800 వరకు రేషన్ కార్డులు ఉన్నాయి. 14 మంది వాలంటీర్లు జనవరిలో తమకు ఇవ్వాల్సిన బియ్యం, ఇతర సరకులు పక్కదారి పట్టించారని వారంతా ఆరోపించారు. కూలీ పనులు చేసుకుంటూ జీవిస్తున్నామని... బయట దుకాణాల్లో సరకులు కొనుక్కునే స్థోమత లేదని లబ్ధిదారులు వాపోయారు. తమకు న్యాయం చేయాలని గ్రామస్థులు కోరుతున్నారు.
ఇదీ చదవండి
