చంద్రబాబు భాజపాపై అసత్య ప్రచారం చేస్తున్నారు: కన్నా

రాష్ట్రానికి జాతీయ విద్యా సంస్థలు, గిరిజన వర్సిటీ తెచ్చామని కన్నా లక్ష్మీనారాయణ పేర్కొన్నారు.

కేంద్ర నిధులతో చేపడుతున్న అభివృద్ధి కార్యక్రమాలకు తెదేపా ప్రభుత్వం పచ్చరంగు పులుముకుంటోందని... భాజపా రాష్ట్ర అధ్యక్షుడు కన్నా లక్ష్మీనారాయణ ఆరోపించారు. భాజపా ప్రజా చైతన్య బస్సుయాత్రలో భాగంగా టెక్కలిలో పర్యటించారు. రాష్ట్రానికి జాతీయ విద్యా సంస్థలు, గిరిజన వర్సిటీ తెచ్చామన్న కన్నా... గ్రామాల్లో సీసీ రహదారులు, శ్మశానవాటికలు, పంచాయతీ భవనాలు నిర్మించినట్లు పేర్కొన్నారు. యూ టర్న్ తీసుకున్న చంద్రబాబు...తమపై అసత్య ప్రచారం చేస్తున్నారని ధ్వజమెత్తారు.