Smuggling of tobaccos productas: శ్రీకాకుళం జిల్లాలో అధికారుల కళ్ళు కప్పి దొడ్డిదారిన అక్రమ వ్యాపారాలు జోరుగా సాగుతున్నాయి. తాజాగా రాష్ట్ర పన్నుల శాఖ అధికారులు నరసన్నపేట మండలం మడపం టోల్గేటు వద్ద ఓ కంటైనర్లో భారీ ఎత్తున సిగరెట్లు, ఇతర పొగాకు ఉత్పత్తులను పట్టుకున్నారు. విజయనగరం పన్నుల శాఖ జాయింట్ కమిషనర్ కె. రఘునాథరెడ్డి తెలిపిన వివరాల ప్రకారం.. ఒడిశాలోని భువనేశ్వర్ నుంచి విశాఖపట్నంకు ఓ కంటైనర్లో అక్రమంగా సరకు రవాణా చేస్తున్నారని తెలిపారు. రూ. 37 లక్షల విలువైన సిగరెట్లు, పాన్ మసాలా ప్యాకెట్లను మడపం టోల్గేటు వద్ద పట్టుకున్నట్లు అధికారులు వెల్లడించారు.
భారీ మొత్తంలో సిగరెట్లు పొగాకు ఉత్పత్తులు తరలిస్తున్నారని.. అయితే వీటిని ఎవరు రవాణా చేస్తున్నారన్నది ఇంకా గుర్తించలేదని తెలిపారు. వాహనం డ్రైవర్ను ప్రశ్నిస్తున్నట్టు ఐటీ అధికారులు పేర్కొన్నారు. కాగా గత నెల 27న విజయనగరం జిల్లా బొబ్బిలిలో సైతం రైలు మార్గంలో అక్రమంగా రవాణా చేస్తున్న సిగరెట్లు, పొగాకు ఉత్పత్తులు పట్టుకున్నట్లు ఐటీ అధికారులు తెలిపారు.
ఇవీ చదవండి:
