'21, 22 తేదీల్లో సిక్కోలులో చంద్రబాబు పర్యటన'

శ్రీకాకుళం జిల్లాలో ఈ నెల 21, 22 తేదీల్లో తెదేపా అధినేత చంద్రబాబు పర్యటించనున్నారు. ఈ మేరకు పార్టీ రాష్ట్ర అధ్యక్షుడు కళా వెంకట్రావు.. బాబు పర్యటనకు సంబంధించిన వివరాలను వెల్లడించారు.

తెదేపా అధినేత నారా చంద్రబాబు నాయుడు ఈ నెల 21, 22 తేదీల్లో శ్రీకాకుళం జిల్లాకు రానున్నారు. చంద్రబాబు పర్యటనకు సంబంధించి పార్టీ రాష్ట్ర అధ్యక్షుడు కిమిడి కళా వెంకట్రావు... జిల్లా కార్యాలయంలో సమన్వయ కమిటీ సమావేశం నిర్వహించారు. ఈ మేరకు జిల్లాలో చంద్రబాబు పర్యటన వివరాలను ఆయన వివరించారు. 21వ తేదీ ఉదయం జిల్లా కార్యాలయంలో సాధారణ సమావేశం ఉంటుందన్న ఆయన... మధ్యాహ్నం 2 గంటల నుంచి ఇచ్చాపురం, పలాస, టెక్కలి, పాతపట్నం, పాలకొండ నియోజకవర్గాల వారీగా సమీక్షా సమావేశాలు ఉంటాయన్నారు. అలాగే రెండో రోజు ఉదయం 10 గంటల నుంచి శ్రీకాకుళం, ఆమదాలవలస, రాజాం, ఎచ్చెర్ల, నరసన్నపేట నియోజకవర్గాల్లో కార్యకర్తలు, నేతలతో చంద్రబాబు సమీక్ష నిర్వహిస్తారని కళా వెంకట్రావు తెలిపారు.

ఇదీ చూడండి:

తెదేపా నేత కొల్లు రవీంద్ర దీక్ష విరమణ