ప్రాజెక్టు డిప్యూటీ కలెక్టర్​ను అడ్డుకున్న వెలిగొండ నిర్వాసితులు

గ్రామసభలు నిర్వహించేందుకు ముంపు ప్రాంతాలకు వస్తున్న ప్రాజెక్టు డిప్యూటీ కలెక్టర్​ను వెలిగొండ ప్రాజెక్ట్​ నిర్వాసితులు అడ్డుకున్నారు. సర్వేలో చేసిన తప్పులు సరిచేసిన అనంతరమే తమ గ్రామాల్లోకి రావాలని గ్రామస్థులు సూచించారు. చేసేదేమీ లేక అధికారులు వెనుతిరిగారు.

ప్రకాశం జిల్లా మార్కాపురం మండలం జమ్మనపల్లి వద్ద వెలిగొండ ప్రాజెక్టు నిర్వాసితులు ఆందోళన చేపట్టారు. గ్రామసభలు నిర్వహించేందుకు ముంపు ప్రాంతాలకు వస్తున్న ప్రాజెక్టు డిప్యూటీ కలెక్టర్​ను నిర్వాసితులు అడ్డుకున్నారు. గతంలో చేసిన సర్వేలో తప్పులు ఉన్నాయని ఆరోపించిన గ్రామస్థులు.. వాటి ద్వారా తాము తీవ్రంగా నష్టపోతున్నామని ఆవేదన వ్యక్తం చేశారు. ముందు ఆ తప్పులను సవరణ చేసిన తరువాతనే తమ కాలనీల్లోకి రావాలని వారు కోరారు. దీంతో చేసేదేమీ లేక గ్రామ సభలకు వెళ్లాల్సిన అధికారులు వెనక్కి వెళ్లిపోయారు.