ప్రకాశం జిల్లా చీరాల మండలం ఈపురుపాలెం ఇండస్ట్రియల్ ట్రైనింగ్ ఇనిస్టిట్యూట్, చీరాల సెయింట్ ఆన్స్ ఇంజినీరింగ్ కళాశాలల విద్యార్థులు పరీక్షలను బహిష్కరించారు. ఈపురుపాలెంలో 14 మంది, సెయింట్ ఆన్స్లో 70 మంది విద్యార్థులు ఆన్లైన్ పరీక్షలను బహిష్కరించి నిరసన వ్యక్తం చేశారు. ఇప్పటివరకూ ఆఫ్లైన్లోనే పరీక్షలు రాశామని... ఇప్పటికిప్పుడు ఆన్లైన్ పరీక్షల అంటే ఎలాగని ఆందోళన వ్యక్తం చేశారు. తమకు కంప్యూటర్ పరిజ్ఞానం తక్కువ ఉన్నందున పరీక్షలు రాయలేమని తేల్చి చెప్పారు.
పరీక్షల నోడల్ ఆఫీసర్ రామకృష్ణ మాట్లాడుతూ.. పరీక్షలకు అన్ని ఏర్పాట్లు చేశామని...ఆఖరి నిమిషంలో విద్యార్థులు పరీక్షలను బహిష్కరించారని వివరించారు. ఈ విషయాన్ని ప్రభుత్వం దృష్టికి తీసుకెళ్తామని స్పష్టం చేశారు.
ఇదీచదవండి
