నాటుసారా తయారీ కేంద్రాలపై పోలీసుల దాడులు

రాష్ట్రంలో లాక్​డౌన్ కట్టుదిట్టంగా అమలవుతోంది. ఇందులో భాగంగా రాష్ట్రవ్యాప్తంగా మద్యం దుకాణాలు మూతపడ్డాయి. ఇదే అదనుగా భావించి కొందరు అక్రమార్కులు నాటుసారా తయారీకి రంగం సిద్ధం చేసుకున్నారు. ప్రకాశం జిల్లా గిద్దలూరులో నాటుసారా తయారీ కేంద్రాలపై పోలీసులు దాడులు నిర్వహించారు.

రాష్ట్రంలో లాక్​డౌన్ కారణంగా మద్యం దుకాణాలు మూతపడ్డాయి. ఫలితంగా ప్రకాశం జిల్లా గిద్దలూరు నియోజకవర్గంలోని పలు మండలాల్లో నాటుసారా తయారీ ఊపందుకుంది. బేస్తవారిపేట మండలంలోని కోనపల్లి అటవీ ప్రాంతంలో నాటుసారా తయారీకి వినియోగించే 1100 లీటర్ల బెల్లం ఊటను స్థానిక ఎస్​ఐ ధ్వంసం చేశారు. నిబంధనలను అతిక్రమించి సారా తయారు చేస్తే కఠిన చర్యలు తప్పవని హెచ్చరించారు.

ఇదీచదవండి.