దర్శి అసెంబ్లీ స్థానం నుంచి మరలా అవకాశం ఇవ్వాలని ముఖ్యమంత్రి చంద్రబాబును కోరినట్లు మంత్రి శిద్దావెల్లడించారు. సీఎం మాత్రం... ఒంగోలు ఎంపీ స్థానం నుంచి పోటీ చేయాలని సూచించినట్లు తెలిపారు. కార్యకర్తలు, అభిమానులతో మాట్లాడి నిర్ణయాన్ని ప్రకటిస్తానని సీఎంకి చెప్పానన్నారు. ఏది ఏమైనా అధినేత నిర్ణయాన్ని శిరోధార్యంగా పాటిస్తానని స్పష్టం చేశారు.
మొదట ఈ స్థానం నుంచి బరిలోకి దిగుతారనుకున్న మాగుంట.. రేపు వైకాపాలోకి చేరుతారని తెలుస్తోంది. ఈ కారణంతో లోక్సభ స్థానానికి శిద్దాని సిద్ధం చేసినట్లు సమాచారం. ఎంపీగా మంత్రి పోటీ చేస్తే దర్శి అసెంబ్లీ నుంచి తెదేపా తరఫున ఎవరురంగంలోకిదిగుతారనేఅంశం ఆసక్తికరంగా మారింది. మరో వైపు మాగుంటను వైకాపా తరఫున ఒంగోలు ఎంపీ స్థానానికి పోటీచేయించే అవకాశం ఉంది.
