'రివర్స్ టెండరింగ్​తో రూ.60 కోట్లు ఆదా'

రాష్టంలో నీటి కొరత లేకుండా... సస్యశ్యామలం చేసేందుకు ముఖ్యమంత్రి జగన్ ప్రణాళికలు సిద్ధం చేస్తున్నారని జలవనరులశాఖ మంత్రి అనిల్​కుమార్ యాదవ్ పేర్కొన్నారు.

రాష్ట్రాన్ని సస్యశ్యామలం చేయడమే... తమ ప్రభుత్వ ధ్యేయమని మంత్రి అనిల్​కుమార్ యాదవ్ ఉద్ఘాటించారు. ప్రకాశం జిల్లాలోని వెలిగొండ ప్రాజెక్టు పనులను మంత్రులు ఆదిమూలపు సురేశ్, బాలినేని శ్రీనివాస్ రెడ్డితో కలిసి ఆయన సందర్శించారు. ప్రాజెక్టు దగ్గర ఏర్పాటు చేసిన టన్నెల్​ పనుల ఫొటో గ్యాలరీని మంత్రులు పరిశీలించారు. అనంతరం మంత్రి అనిల్ మీడియాతో మాట్లాడారు. పోలవరం, వెలిగొండ ప్రాజెక్టులు పూర్తిచేస్తామన్నారు. రివర్స్ టెండరింగ్​కు వెళ్లి.. వెలిగొండ ప్రాజెక్టులో రూ.60 కోట్లు ఆదా చేశామని అనిల్ కుమార్ యాదవ్ తెలిపారు. వచ్చే సీజన్ వరకు ఒకటో టన్నెల్ ద్వారా ప్రాజెక్టు పరిసర ప్రాంతాలకు నీరందిస్తామని మంత్రి వెల్లడించారు.

ఇదీ చదవండి: 'ఆరునెలల అద్భుత పాలనపై... కొందరికి కడుపుమంట'