మెప్మా ఆర్పీ ఆత్మహత్యాయత్నం.. వేధింపులే కారణమా..?

ప్రకాశం జిల్లా మార్కాపురంలో మెప్మా ఆర్పీ పురుగుల మందు తాగి ఆత్మహత్యాయత్నానికి పాల్పడింది. రాజకీయ వేధింపులే ఇందుకు కారణమని బాధితురాలి తల్లి ఆరోపించింది.

ప్రకాశం జిల్లా మార్కాపురంలో మెప్మా ఆర్పీ పురుగుల మందు తాగి ఆత్మహత్యాయత్నానికి పాల్పడింది. పట్టణంలోని 16వ వార్డ్​లో గత పన్నెండేళ్ళుగా సూర్యజ్యోతి అనే మహిళ మెప్మాలో పనిచేస్తోంది. అయితే తన కుమార్తెపై రాజకీయ వేధింపుల ఎక్కువయ్యాయని బాధితురాలి తల్లి ఆరోపించారు. అదే వార్డుకు చెందిన రంగయ్య అనే వైకాపా నేత.. తాను మెప్మాకు ఇంఛార్జీ అంటూ బెదిరింపులకు పాల్పడేవాడని వాపోయారు. ప్రస్తుతం సూర్యజ్యోతి ఆసుపత్రిలో చికిత్స పొందుతున్నారు. ఓ పక్క రాష్ట్రం లోని పలు జిల్లాల్లో ఉద్యోగ భద్రత కల్పించాలని మెప్మా ఆర్పీలు, వెలుగు విఓఏ ధర్నాలు చేస్తున్నప్పటికీ ఇలాంటి దారుణాలు ఎక్కడో చోట జరుగుతున్నాయని యూనియన్ నాయకులు చెబుతున్నారు.

ఇవీ చదవండి: