భార్యను కారుతో ఢీకొట్టిన భర్త.. కుటుంబ విభేదాలే కారణం!

కుటుంబ కలహాలతో.. ప్రకాశం జిల్లాలో భార్యపై హత్యాయత్నం చేశాడు ఓ భర్త. చివరికి పరారైన ఆ దుర్మార్గుడి కోసం పోలీసులు విస్తృత గాలింపు చేస్తున్నారు.

కుటుంబ విభేదాల కారణంతో..భార్యపై హత్య ప్రయత్నం చేశాడు ఓ భర్త. ప్రకాశం జిల్లా జరుగుమల్లి మండలం కె. పిట్రగుంటకు చెందిన శ్రీలత.. తన కూతుర్ని భర్త శివాజీ హింసిస్తున్నాడనని ఎమ్మెల్యే స్వామికి ఫిర్యాదు చేసింది. ఈ విషయం నచ్చని భర్త.. భార్యను అంతామొందిచాలనుకున్నాడు. శ్రీలత, ఆమె బాబాయ్​ ప్రయాణిస్తున్న ద్విచక్రవాహనాన్ని కారుతో ఢీ కొట్టాడు. టంగుటూరు మండలం నాయుడుపాలెం జాతీయరహదారిపై జరిగిన ఈ ప్రమాదంలో బాధితులకు తీవ్రగాయాలయ్యాయి. క్షతగాత్రులను ఒంగోలులోని ప్రైవేటు ఆసుపత్రికి తరలించారు. నిందితుడు పరారీలో ఉన్నాడు.

ఇవీ చదవండి...కర్నూలులో రక్తమోడిన రహదారులు