ప్రకాశం జిల్లాలో మరో ఆరు పాజిటివ్ కేసులు నమోదయ్యాయి. దీంతో జిల్లాలో కేసుల సంఖ్య 146 కు చేరుకున్నాయి. లాక్డౌన్ సడలింపుల తరువాత ఇతర రాష్ట్రాలు, జిల్లాల నుంచి పెద్దసంఖ్యలో రాకపోకలు జరగటం వల్ల వైరస్ వ్యాప్తి ఎక్కువైంది. ఇటీవల పశ్చిమగోదావరి జిల్లాకు వెళ్లివచ్చిన ఒకే కుటుంబంలోని ఇద్దరికి కరోనా సోకింది. చినగంజాం మండలంలో తండ్రీ కుమారుడుకి, కనిగిరి మండలంలో తల్లీ కుమార్తెకు కరోనా పాజిటివ్గా తేలింది.
చీరాల పట్టణంలో రెండు పాజిటివ్ కేసులు నమోదుకావటంతో పట్టణవాసులు ఉలిక్కిపడ్డారు. పట్టణంలోని జయంతిపేటకు చెందిన దంపతులకు పాజిటివ్ వచ్చింది. అప్రమత్తమైన అధికారులు ఆ ప్రాంతాన్ని కంటైన్మెంట్ జోన్ గా ప్రకటించారు. సోడియం హైపోక్లోరైడ్ ద్రావణాన్ని పిచికారిచేశారు. 200 మీటర్ల పరిధిలో రహదారులను మూసివేయించి పోలీసులు చెక్ పోస్టు ఏర్పాటు చేశారు.
