Chiranjeevi fans protest: ప్రకాశం జిల్లా కనిగిరి పట్టణంలోని శ్రీనివాస సినిమా హాల్ వద్ద చిరంజీవి అభిమానులు ఆందోళన చేశారు. శ్రీనివాస సినిమా థియేటర్లో నిన్న వాల్తేరు వీరయ్య సినిమా విడుదలైంది. అయితే భోగి పండుగ రోజు వాల్తేరు వీరయ్య సినిమా స్థానంలో.. తమిళ నటుడు విజయ్ హీరోగా నటించిన వారసుడు సినిమాను ప్రదర్శించేందుకు టిక్కెట్లను జారీ చేస్తుండడంతో... విషయం తెలుసుకున్న చిరంజీవి అభిమానులు భారీ సంఖ్యలో సినిమా హాలు వద్దకు చేరుకుని ఆందోళన చేశారు.
ముందస్తు సమాచారం లేకుండా... వాల్తేరు వీరయ్య సినిమా నిలిపివేసి వారసుడు చిత్రాన్ని ప్రదర్శించడం ఏంటని ఆందోళనకు దిగారు. విషయం తెలుసుకున్న పోలీసులు సినిమా హాలు వద్దకు చేరుకోని.. ఆందోళన చేస్తున్న చిరంజీవి అభిమానులను విషయం అడిగి తెలుసుకున్నారు. అనంతరం చిరంజీవి అభిమానులకు నచ్చచెప్పే ప్రయత్నం చేసినప్పటికీ.. వారు ససేమిరా అన్నారు. ఫలితంగా సినిమా థియేటర్లో ఏ సినిమాను ప్రదర్శించకుండా పోలీసులు మూసివేయించారు. దీంతో సమస్య సద్దుమణిగింది.
ఇవీ చదవండి:
