ప్రధాని నరేంద్రమోదీ నాయకత్వంలో ప్రపంచ దేశాల్లో భారతదేశం అత్యున్నత స్థాయిలో నిలిచిందని భాజపా రాష్ట్ర అధ్యక్షుడు కన్నా లక్ష్మీనారాయణ అన్నారు. ప్రకాశం జిల్లా చీరాలలో భాజపా సభ్యత్వ నమోదు కార్యక్రమంలో పాల్గొన్నారు. రాష్ట్రాభివృద్ధి ఒక్క భాజపాతోనే సాధ్యమని... ఎన్నికల సమయంలో రెండు ప్రాంతీయ పార్టీలు కమలదళంపై దుష్ప్రచారం చేశారని పేర్కొన్నారు. ఆంధ్రప్రదేశ్లోని 2 ప్రాంతీయ పార్టీలు అవినీతిలో కురుకుపోయాయని ఆరోపించారు. రాష్ట్రంలో అమలు చేసిన పథకాలన్నీ కేంద్రప్రభుత్వం అమలుచేసినవేనని... తామే అమలు చేసినట్లుగా గత ప్రభుత్వం చెప్పుకుందని స్పష్టం చేశారు. అవినీతిరహిత ఆంధ్రప్రదేశ్ చేయటమే భాజపా లక్ష్యమని కన్నా తెలిపారు. ఆయన సమక్షంలో పలువురు నేతలు కాషాయ కండువా కప్పుకున్నారు. కార్యక్రమంలో జిల్లా అధ్యక్షుడు కృష్ణారెడ్డి, భాజపా నాయకులు, కార్యకర్తలు పాల్గొన్నారు.
ఇదీ చదవండి :
