ప్రకాశం జిల్లాలో..
బ్యాంకుల ప్రైవేటీకరణను వ్యతిరేకిస్తూ ప్రకాశం జిల్లాలోని పలు పట్టణాలలో బ్యాంకు ఉద్యోగులు నిరసన తెలిపారు. గిద్దలూరు, చీరాల, అద్దంకి యర్రగొండపాలెంలో బ్యాంకు ఉద్యోగులు సమ్మెలో పాల్గొన్నారు. కేంద్రానికి వ్యతిరేకంగా నినాదాలు చేశారు. ఉద్యోగులతో పాటు ప్రజా సంఘాల నేతలు సమ్మెలో పాల్గొన్నారు.
పశ్చిమగోదావరి జిల్లాలో..
ప్రభుత్వ రంగ బ్యాంకుల ప్రైవేటీకరణకు వ్యతిరేకంగా పశ్చిమగోదావరి జిల్లా తణుకులో బ్యాంకు ఉద్యోగులు రెండో రోజు సమ్మెలో పాల్గొన్నారు. బ్యాంక్ ఆఫ్ ఇండియా కార్యాలయం ఎదుట బ్యాంకు ఉద్యోగులు తమ నిరసన వ్యక్తం చేశారు. భాజపా మినహా మిగిలిన అన్ని రాజకీయ పక్షాలకు చెందిన నేతలు మద్దతు పలికారు.
శ్రీకాకుళం జిల్లాలో..
బ్యాంకుల ప్రైవేటీకరణను నిరసిస్తూ శ్రీకాకుళం జిల్లా పాలకొండలో బ్యాంకు ఉద్యోగులు ఆందోళన చేపట్టారు. స్థానిక స్టేట్ బ్యాంకు వద్ద సిబ్బంది ధర్నా నిర్వహించారు. కేంద్ర విధానాలను వ్యతిరేకిస్తూ నినాదాలు చేశారు.
ఇదీ చదవండి
