దానిమ్మ సాగుపై రైతులకు అవగాహన సదస్సు

ప్రకాశం జిల్లా గుర్రపుశాలలోని రైతులకు అవగాహన సదస్సు నిర్వహించారు. సమగ్ర ఉద్యాన అభివృద్ధి మిషన్ ఆధ్వర్యంలో ఈ కార్యక్రమానికి చేపట్టగా.. అధిక సంఖ్యలో రైతులు పాల్గొన్నారు.

ప్రకాశం జిల్లా యర్రగొండపాలెం మండలం గుర్రపుశాలలో సమగ్ర ఉద్యాన అభివృద్ధి మిషన్ ఆధ్వర్యంలో రైతులకు అవగాహన సదస్సు నిర్వహించారు. నియోజకవర్గంలో నుంచే కాకుండా చుట్టుపక్కల ప్రాంతాల్లో దానిమ్మ సాగు చేసే రైతులు ఈ సదస్సులో పాల్గొన్నారు. శాస్త్రవేత్తలు, అధికారులు పాల్గొని రైతులకు దానిమ్మ తోట సాగు విధానంలో తీసుకోవాల్సిన సలహాలు, సూచనలు అందజేశారు. చెట్లకు వచ్చే తెగుళ్ళు, కొమ్ముల కత్తిరింపు, నాణ్యతా ప్రమాణాలు.. తదితర అంశాలపై సమాచారాన్ని అందించారు. రైతుల సందేహాలను నివృత్తి చేశారు. మార్కెటింగ్​లో ​దానిమ్మకు ఉన్న ప్రాముఖ్యతను వివరించారు.

ఇదీ చదవండి: ప్రకాశం జిల్లాలో దారుణం... భార్యను హత్య చేసిన భర్త