దంపతుల బలవన్మరణం.. ప్రశ్నార్థకంగా చిన్నారుల భవితవ్యం

నెల్లూరు జిల్లాలో విషాదం చోటు చేసుకుంది. క్షణికావేశం... మనస్తాపంగా మారి.. ఇద్దరి జీవితాలను బలి తీసుకుంది. ఇద్దరు చిన్నారులను అనాథలను చేసింది.

నెల్లూరు జిల్లా విరువూరు గ్రామంలో కుటుంబ కలహాలతో దంపతులు ఒకరి తరువాత ఒకరు ఆత్మహత్యకు పాల్పడ్డారు. కుటుంబసభ్యులు తెలిపిన వివరాల ప్రకారం.... విరువూరుకు చెందిన రఫీ భార్య బీబీ జాన్... తన తల్లి అనారోగ్యంతో ఉన్న కారణంగా పుట్టింటికి వెళ్లింది. 15 రోజులు గడుస్తున్నా.. భార్య ఇంటికి రాకపోవడంపై భర్త రఫీ ఆగ్రహించాడు... కోప్పడ్డాడు. మనస్తాపానికి గురైన బీబీ జాన్.. పురుగుల మందుతాగి ఆత్మహత్యకు పాల్పడింది. భార్య మృతిని జీర్ణించుకోలేని భర్త ఆ వెంటనే పురుగుల మందు తాగి ఆత్మహత్యకు పాల్పడ్డాడు‌. చికిత్స పొందుతూ రఫీ మృతి చెందాడు. ఆ జంటకు ఇద్దరు చిన్నారులున్నారు. వారి మృతితో చిన్నారులు అనాథలయ్యారు.

ఇదీ చూడండి

రెచ్చిపోయిన గొలుసు దొంగలు... పోలీసు స్టేషన్ ఎదుటే దొంగతనం