నెల్లూరులో విషాద ఘటన జరిగింది. పెన్నా నదిలో ఈతకు వెళ్లి ఇద్దరు చిన్నారులు మృతి చెందారు. మూడో మైలు ప్రాంతంలోని సుభాన్ నగర్లో ఈ ఘటన జరిగింది. దీనదయాళ్ నగర్కు చెందిన ఇద్దరు చిన్నారులు నిన్న సాయంత్రం పెన్నా నదిలో ఈతకు వెళ్లి ప్రమాదవశాత్తు ఓ గుంతలో పడిపోయారు. ఆడుకోవడానికి వెళ్లిన ఇద్దరు పిల్లలు.. ఇంటికి రాకపోవడంతో తల్లిదండ్రులు చుట్టుపక్కల గాలించినా ప్రయోజనం లేకపోయింది. ఈ రోజు చిన్నారుల మృతదేహాలు స్థానికులు గుర్తించి తల్లిదండ్రులకు సమాచారమిచ్చారు. అల్లారుముద్దుగా పెంచుకున్న చిన్నారులు మృతి చెందడంతో తల్లిదండ్రులు శోకసముద్రంలో మునిగిపోయారు.
ఇదీ చదవండి:
