నెల్లూరు జిల్లా ఆత్మకూరు మండలంలో లాక్ డౌన్ ముగిసేవరకు తమ గ్రామంలో ఇసుక రీచ్ ను ఆపి తమ ప్రాణాలను కాపాడాలని అప్పారావు పాలెం గ్రామ దళితులు మహిళలు ఆర్డిఓ కార్యాలయం ముందు నిరసన చేపట్టారు. సుదూర ప్రాంతాల నుంచి తమ ప్రాంతానికి ఇసుక కోసం లారీలు, టిప్పర్లు వస్తుండటంపై ఆందోళన వ్యక్తం చేశారు. సదరు వాహన డ్రైవర్లు సిబ్బంది ద్వారా తమకు కరోనా సోకే అవకాశాలు ఉన్నాయని ఆవేదన చెందుతున్నారు.
అధికారులకు తమ ఆవేదన తెలియజేసినా.. ఎవరూ పట్టించుకోవడం లేదని వాపోయారు. ఇసుక రీచ్ ను ఆపేందుకు ఆర్డీఓ సమ్మతించని కారణంగా.. మహిళలు ఆర్డీవో ఉమాదేవి తీరుపై తీవ్ర నిరసన వ్యక్తం చేశారు. ఇసుకను తరలించే లారీ డ్రైవర్లు సిబ్బంది ద్వారా తమ గ్రామంలో కరోనా ప్రబలకుండా చర్యలు తీసుకోవాలని చెప్పారు.
ఇదీ చదవండి:
