రసాభాసగా వెంకటగిరి పురపాలక సంఘ సమావేశం

నెల్లూరు జిల్లా వెంకటగిరి పురపాలక సంఘ సమావేశం వాకౌట్లతో జరిగింది. తెదేపా నుంచి మున్సిపల్​ ఛైర్మన్​గా ఎన్నికైన శారద... వైకాపాలోకి చేరి పదవికి రాజీనామా చేయనందున గొడవ జరిగింది.

నెల్లూరు జిల్లా వెంకటగిరి పురపాలక సంఘ సమావేశం వాడివేడిగా సాగింది. ప్రారంభంలో ఎక్స్​అఫీషియో సభ్యుడిగా ఎమ్మెల్యే ఆనం రామనారాయణ రెడ్డిని మునిసిపల్​ ఛైర్​ పర్సన్​ ప్రమాణ స్వీకారం చేయించారు. అనంతరం వైస్​ ఛైర్మన్​ రాజేశ్వరావు మాట్లాడుతూ... తెదేపా నుంచి మున్సిపల్​ ఛైర్మన్​గా ఎన్నికైన శారద... వైకాపాలోకి చేరిన కారణంగా పదవికి రాజీనామా చేయాలని డిమాండ్​ చేశారు. వైయస్​ జగన్​ అభిమతం ఇదేనన్నారు.

వెంకటగిరిలో తెదేపా నుంచి గెలిచిన శారద వైకపాలోకి వెళ్లి పదవిలో కొనసాగడం ఏమిటనే ప్రశ్నకు... వైకాపా కౌన్సిలర్​ కళ్యాణి సమాధానం ఇస్తుండగా... తెదేపా సభ్యులు సమావేశం నుంచి వాకౌట్​ చేశారు. చివరికి ఏడుగురు సభ్యులతో సమావేశం జరిగింది.

ఇదీ చదవండి

సంతాప సభలో ఎమ్మెల్యే నృత్యాంజలి!