స్మశానానికి దారి చూపండి..మృతదేహంతో గ్రామస్థుల నిరసన

స్మశానానికి వెళ్లేందుకు దారి లేకపోవటంతో రోడ్డుపై మృతదేహంతో ధర్నాకు దిగారు గోగినేనిపురంలోని కామాక్షినగర్​ వాసులు. తన స్థలం నుంచి వెళ్లేందుకు ఓ భూయజమాని ఒప్పుకొకపోవటంతో.. తమ సమస్యకు పరిష్కారం చూపాలని ప్రజలు ఆందోళనకు దిగారు.

స్మశానానికి వెళ్లేందుకు దారి చూపాలని మృతదేహంతో రోడ్డుపై ధర్నాకు దిగిన ఘటన నెల్లూరు జిల్లా గూడూరు మండలంలో జరిగింది. గోగినేనిపురం కామాక్షినగర్ కు చెందిన వృద్ధురాలు రమణమ్మ అనారోగ్యంతో మృతి చెందింది. ఎవరు చనిపోయినా మూడేళ్లుగా ఓ ప్రైవేట్ స్థలం నుంచి మృతదేహాన్ని స్మశానానికి తీసుకెళ్లేవారు. ఈ సారి ఆ స్థల యజమాని మృతదేహాన్ని తన స్థలం గుండా వెళ్లనీయకుండా అడ్డుకున్నాడు. ఈ నేపథ్యంలో రమణమ్మ మృతదేహంతో ధర్నాకు దిగగా... రావూరు-గూడూరు మధ్య వాహన రాకపోకలు స్తంభించాయి. ఈ వ్యవహారంలో గతంలో రెవెన్యూ అధికారులకు ఫిర్యాదు చేసినా ఇంతవరక సమస్యను పరిష్కరించలేదని కామాక్షినగర్ వాసులు ఆరోపిస్తున్నారు. ఇప్పటికైనా అధికారులు స్పందించి... స్మశానానికి శాశ్వత పరిష్కారం చూపాలని విజ్ఞప్తి చేస్తున్నారు.

ఇవీ చూడండి-ఉద్యోగాల పేరుతో యువతుల నగ్న చిత్రాల సేకరణ