ఇవాళ, రేపు రాష్ట్రంలో రాష్ట్రపతి పర్యటన

ఇవాళ, రేపు... చిత్తూరు, నెల్లూరు జిల్లాల్లో రాష్ట్రపతి రామ్‌నాథ్‌ కోవింద్‌ పర్యటించనున్నారు. ఈరోజు సాయంత్రం రాష్ట్రానికి రానున్న రాష్ట్రపతికి గవర్నర్ నరసింహన్, సీఎం జగన్ స్వాగతం పలుకుతారు.

రాష్ట్రంలో రెండురోజుల పాటు రాష్ట్రపతి పర్యటించనున్నారు. ఈ రోజు సాయంత్రం రేణిగుంట విమానాశ్రయానికి చేరుకుంటారు. అక్కడి నుంచి తిరుచానూరు వెళ్లనున్న రాష్ట్రపతి... సాయంత్రం 5 గంటల 45 నిమిషాలకు శ్రీపద్మావతి అమ్మవారిని దర్శించుకుంటారు. సాయంత్రం 6 గంటల15 నిమిషాలకు శ్రీకపిలేశ్వర ఆలయానికి వెళతారు. అక్కడి నుంచి తిరుమల వెళ్లి... రాత్రికి పద్మావతి అతిథిగృహంలో బస చేస్తారు. ఆదివారం ఉదయం 5 గంటల 40 నిమిషాలకు వరాహస్వామిని... తర్వాత శ్రీవారిని దర్శించుకుంటారు. ఆదివారం మధ్యాహ్నం 3 గంటలకు తిరుమల నుంచి హెలికాప్టర్‌లో శ్రీహరికోటకు పయనమవుతారు. అక్కడ చంద్రయాన్-2 ప్రయోగాన్ని రాష్ట్రపతి వీక్షిస్తారు.