నెల్లూరులో నారా లోకేశ్​కు ఘన స్వాగతం

నెల్లూరులో తెదేపా జాతీయ ప్రధాన కార్యదర్శి నారా లోకేశ్​కు పార్టీ శ్రేణులు ఘనస్వాగతం పలికాయి. గూడూరులో ఆయన ఓ కార్యక్రమంలో హాజరయ్యేందుకు వచ్చారు.

తెదేపా జాతీయ ప్రధాన కార్యదర్శి నారా లోకేశ్​కు నెల్లూరులో ఘన స్వాగతం లభించింది. గూడూరులో ఓ కార్యక్రమానికి హాజరయ్యేందుకు వచ్చిన లోకేశ్​కు నగరంలోని చింతారెడ్డిపాలెం జాతీయ రహదారి వద్ద పార్టీ నేతలు స్వాగతం పలికారు. తెదేపా నేత కోటంరెడ్డి శ్రీనివాసులురెడ్డితో పాటు నాయకులు, కార్యకర్తలు ఆయనకు స్వాగతం పలికి, గజమాలతో సత్కరించారు. పది నిమిషాలకు పైగా జాతీయ రహదారిపై ఉన్న లోకేశ్​ అభిమానులు, కార్యకర్తలకు అభివాదం చేస్తూ ముందుకు సాగారు.

ఇదీ చదవండి: కార్మిక చట్టాలను అమలుచేయాలని సీఐటీయూ నిరసన