ఒంగోలుకు చెందిన పద్మ అనే మహిళ బ్లాక్ ఫంగస్ వ్యాధితో వసుధ కల్యాణ్ మల్టీ స్పెషాలిటీ ఆసుపత్రిలో చికిత్స తీసుకుంది. హాస్పిటల్లో రూ. రెండున్నర లక్షలు తీసుకొని వైద్యం చేయకుండా బ్లాక్ ఫంగస్ పెషేంట్‌ను గత శనివారం డిశ్చార్జీ చేశారు. దీనితో దిక్కు తోచని పరిస్థితిలో పద్మ.. ఒంగోలు గవర్నమెంట్ హాస్పిటల్కి వెళ్లారు. అక్కడి వైద్యులు నిబంధనలు పేరుతో( ఆధార్ కార్డులో కృష్ణా జిల్లా అని ఉందని) ఒంగోలు జీజీహెచ్లో చేర్చుకోవడానికి నిరాకరించారు. దీంతో ఆమె తన పుట్టింటికి వెళ్లింది.
బ్లాక్ ఫంగస్ బాధితురాలని ఆదుకోవాలని సామాజిక మాధ్యమాల్లో పలువురు ఆరోగ్య శాఖ మంత్రి ఆళ్ల నానిని కోరారు. వెంటనే స్పందించిన మంత్రి ఒంగోలు ప్రభుత్వ ఆస్పత్రి సూపరింటెండెంట్ రాములతో ఫోన్‌లో మాట్లాడారు. వెంటనే పద్మను హాస్పిటల్లో జాయిన్ చేసుకొని మెరుగైన వైద్యం అందించాలని అదేశించారు. మంత్రి ఆదేశాల మేరకు అధికారులు పద్మకు చికిత్స ప్రారంభించారు.
ఇదీ చదవండి..Covid Cases : కొత్తగా 8,976 కరోనా కేసులు, 90 మరణాలు నమోదు
