కొవిడ్ కేంద్రాల్లో ఎటువంటి సమస్యలు ఉండకుడదు: మంత్రి అనిల్ కుమార్

కార్పొరేట్ వైద్యం కొవిడ్​ కేంద్రాల్లో అందించాలని ఇరిగేషన్ శాఖ మంత్రి అనిల్​కుమార్.. అధికారులను ఆదేశించారు. ఆసుపత్రుల్లో చేరిన వారికి ఆరోగ్యకరమైన భోజనం అందించాలని ఆయన కోరారు.

నెల్లూరు జిల్లా పరిషత్ కార్యాలయంలో వైద్య ఆరోగ్యశాఖ, జిల్లా అధికారులు, నోడల్ అధికారులతో ఇరిగేషన్ శాఖ మంత్రి అనిల్​కుమార్ సమావేశం నిర్వహించారు. ఈ క్రమంలో కొవిడ్ నివారణ చర్యలపై అధికారులకు పలు సూచనలు చేశారు. జీజీహెచ్, పూర్తి స్థాయిలో కొవిడ్ వైద్యశాలగా మార్చిన నారాయణ వైద్యశాల, జిల్లాలోని మొత్తం 21కరోనా ఆసుపత్రుల పనితీరును మంత్రి సమీక్షించారు. కొవిడ్ రోగులకు అందుతున్న చికిత్స, టెస్టింగ్​పై వైద్యులు, నర్సులతో మాట్లాడారు.

ఆసుపత్రుల్లో చేరిన వారికి మంచి భోజనం అందించాలని మంత్రి కోరారు. మృతదేహాన్ని 24గంటల్లో బంధువులకు అప్పగించాలని ఆదేశించారు. నిర్లక్ష్యం వహిస్తే కచ్చితంగా చర్యలు ఉంటాయని హెచ్చరించారు. పేషెంట్​ను బంధువులాగా భావించాలని అన్నారు. సమావేశంలో జిల్లా కలెక్టర్ చక్రధర్ బాబు, జేసి హరింధ్రప్రసాద్, ప్రభాకర్ రెడ్డి పాల్గొన్నారు.

ఇదీ చదవండీ..భారత్‌ బయోటెక్‌, హెటెరో డ్రగ్స్‌ ఎండీలకు సీఎం జగన్ ఫోన్