ప్రధానమంత్రి ఆత్మ నిర్భరభారత్ అభియాన్ పథకం ద్వారా పట్టణాల్లో, నగరాల్లో, గ్రామాలలో ఫుడ్ ప్రాసెసింగ్ యూనిట్లు ఏర్పాటు చేసేందుకు కేంద్ర, రాష్ట్ర ప్రభుత్వాలు ముందడుగు వేస్తున్నాయి. ఫుడ్ ప్రాసెసింగ్ యూనిట్లపై అవగాహన కల్పించేందుకు ప్రభుత్వం ఎన్జీవో సంస్థల సహకారం తీసుకుంటోంది. ఈ సంస్థల ద్వారా రైతులకు అవగాహన కల్పిస్తున్నారు. రాష్ట్రంలో 2025 సంవత్సరం నాటికి 10,035 ప్రాసెసింగ్ యూనిట్లు నెలకొల్పేందుకు కేంద్రప్రభుత్వం లక్ష్యం పెట్టుకుందని ఆల్ ఇండియా అమేజ్ ఆప్ కామర్స్ ఛైర్మన్ దేవరాజు తెలిపారు.
ప్రధానమంత్రి ఆత్మ నిర్భరభారత్ అభియాన్ పథకం ద్వారా కేంద్ర ప్రభుత్వం రూ.460 కోట్ల నిధులు విడుదల చేశాయి. నెల్లూరు జిల్లాలో నిమ్మ, మామిడి, బత్తాయి, రొయ్యలు, చేపలపై ఫుడ్ ప్రాసెసింగ్ యూనిట్లు ఏర్పాటు చేయాలని ప్రభుత్వం లక్ష్యంగా పెట్టుకుంది. ఒక యూనిట్ విలువ రూ.10లక్షల రూపాయలు కాగా... అందులో రైతు వాటా 10 శాతం, ప్రభుత్వం రాయితీ 35 శాతం గా ఉంటుంది. ఆసక్తి గల వారు ఈ అవకాశాన్ని సద్వినియోగం చేసుకోవాలని కోరారు.
ఇదీ చదవండి:పంచాయతీ ఎన్నికలను రీషెడ్యూలు చేసిన ఎస్‌ఈసీ
