'తిట్లకే పరిమితమైన అసెంబ్లీ సమావేశాలు'

ప్రజా సమస్యలను వదిలి.. పరస్పర విమర్శలకే అసెంబ్లీని పరిమితం చేస్తున్నారని సీపీఎం జాతీయ నేత బి.వి.రాఘవులు ఆందోళన వ్యక్తం చేశారు. నెల్లూరులో జరుగుతున్న సీఐటీయూ రాష్ట్ర మహాసభల్లో ఆయన పాల్గొన్నారు. అధికారపక్షం, ప్రతిపక్షం అసెంబ్లీలో ప్రజా సమస్యలను చర్చించట్లేదని విమర్శించారు. ప్రతిపక్షం సమస్యలను లేవనెత్తని కారణంగా... అధికారపక్షం తప్పుడు నిర్ణయాలను తీసుకుంటే అడ్డుకునే వారు లేకుండా పోయారన్నారు. వైకాపా, తేదేపాలు అసెంబ్లీలో అవలంబిస్తున్న విధానాలు బాధాకరమని సీపీఎం రాష్ట్ర కార్యదర్శి మధు అన్నారు.

.