Money From DWCRA Women: పల్నాడు జిల్లా గురజాల నియోజకవర్గం దాచేపల్లిలోని వెలుగు అధికారులు పాన్‌కార్డుల దందాకు తెరలేపారు. ప్రతి డ్వాక్రా గ్రూపులోని సభ్యులు కచ్చితంగా పాన్ కార్డు తీసుకోవాలని లేని పక్షంలో వి.వో.ఏ లు తెలుపడమే కాకుండా పాన్ కార్డులు లేకపోతే ఇబ్బందులు వస్తాయంటూ చెప్పుతున్నారని.. ఆయా డ్వాక్రా సంఘాల మహిళలు తెలిపారు. వెలుగు సిబ్బంది.. డ్వాక్రా సంఘాల నుంచి పాన్ కార్డు పేరుతో బలవంతంగా లక్షల్లో వసూలు చేస్తున్నట్లు ఆరోపణలు వస్తున్నాయి. గతంలో సుమారు అక్షరాలా 12 లక్షలు వసులు చేయగా.., ఈ సారి 16 లక్షలు వసులు చేసినట్లు బాధితులు తెలిపారు.
గ్రూపుకి వేయి చొప్పున వసూలు: ఇదంతా ఏ.పీ.ఎం చేయిస్తున్నారని ఆయన ఆదేశాల మేరకు వి.వో.ఎలు పాన్ కార్డ్ చేసే వ్యక్తిని వెంట పెట్టుకుని మరీ.. గ్రూపుల వద్దకి తిరిగి పాన్ కార్డు తీసుకోవాలని ఒత్తిడి చేస్తున్నట్లు ఆరోపణలు చేస్తున్నారు. తమ వద్ద నుంచి గ్రూపుకి వేయి చొప్పున వసూలు చేస్తున్నట్లు ఆయా సంఘాల మహిళలు తెలిపారు. పైగా తమకు ఎలాంటి సమస్య రాకుండా.. పాన్ కార్డ్ తీసుకునే ప్రతి మహిళ వద్ద పాన్ కార్డు తీసుకొనేందుకు తమకు ఎటువంటి ఇబ్బంది లేదని.. వారి ఇష్ట పూర్వకంగానే తీసుకుంటున్నట్లు ఒక పత్రంపై సంతకం పెట్టించుకుని టున్నారు.
1,600 గ్రూపులు ఒక్క దాచేపల్లి పట్టణ రూరల్ పరిధిలో మొత్తం సుమారు 1,600 గ్రూపులు ఉన్నాయి. ఒక్కో గ్రూపుకి వెయ్యి చొప్పున చూస్తే 16 లక్షలు వస్తాయి. ఈ పదహారు లక్షల్లో ఏ.పీ.ఎం, సీ.సీ లకు, వి.వో.ఎ లకు పాన్ కార్డు చేసే వ్యక్తికి నుంచి ముడుపులు వెళ్తాయని డ్వాక్రా మహిళలు ఆరోపిస్తున్నారు. లేకుంటే బలవంతంగా ఎందుకు తీసుకోమంటారని ఆరోపిస్తున్నారు. గతంలో సైతం ఐడి కార్డు పేరుతో గ్రూపుకి 750 చొప్పున సుమారు 1,600 గ్రూపుల వద్ద పన్నెండు లక్షలు వసూళ్లు చేశారన్నారు.
లోన్ తీసుకున్నా చెల్లించాల్సిందే: అంతేకాక డ్వాక్రా గ్రూపు లోన్ తీసుకోవలంటే ఆన్ లైన్ చేసి నందుకు సుమారు మూడు వేల వరకు ఇవ్వాల్సిందేనని కంప్యూటర్ వర్క్ చేసే సంబంధిత అధికారి డిమాండ్ చేస్తున్నారని, లోన్ తీసుకున్నాక వి.వో.ఎలు లక్షకి వెయ్యి చొప్పున ఎన్ని లక్షల లోన్ వస్తే అన్ని వేలు ఇవ్వాల్సిందేనని రెంటు పేరుతో గ్రూపుకి 1,000 చొప్పున ఇవ్వాలని లేకుంటే ఇబ్బందులు తప్పవని బెదిరిస్తున్నట్లు డ్వాక్రా మహిళలు వాపోతున్నారు. ఇప్పటికైనా పై అధికారులు పూర్తి స్థాయిలో విచారిస్తే నిజాలు బయటకి వచ్చే ఛాన్స్ ఉంది... దాచేపల్లిలో జరుగుతున్న ఈ బలవంతపు వసూళ్ల మీద ఎంక్వేరి చేస్తే పూర్తి స్థాయిలో బయటపడే అవకాశం ఉందని డ్వాక్రా మహిళలు అంటున్నారు.
ఇవీ చదవండి:
