Subrahmanyam Murder Case: సుబ్రహ్మణ్యం హత్య కేసులో వైసీపీ ఎమ్మెల్సీ అనంతబాబుపై సీఆర్సీపీ సెక్షన్‌ 174 కింద నమోదు చేసిన ఎప్ఐఆర్కు కొత్త సెక్షన్లు చేర్చి..ఐపీసీ సెక్షన్లతో ఎప్ఐఆర్ రీ రిజిస్టర్‌ ఎలా చేస్తారని హైకోర్టు పోలీసులను ప్రశ్నించింది. అందుకు ఏ ఆధారాలు ఉన్నాయన్న న్యాయస్థానం.. ఆ వివరాలను కోర్టు ముందు ఉంచాలని ఆదేశించింది.
కేసు దర్యాప్తును సీబీఐకి అప్పగించాలని కోరుతూ మృతుడు సుబ్రహ్మణ్యం తల్లిదండ్రులు న్యాయ‌స్థానాన్ని ఆశ్రయించగా.. హైకోర్టు విచారణ చేపట్టింది. సీబీఐకి అప్పగించే విషయంలో నిందితుడి వాదనలు వినాల్సిన అవసరం లేదని పిటిషనర్ తరుపున న్యాయవాది జడ శ్రావణ్ కుమార్ వాదనలు వినిపించారు.
