Farmers protest: ఎన్టీఆర్ జిల్లా చందర్లపాడు మండలం చింతలపాడు గ్రామంలో రైతులు.. విద్యుత్ మోటార్లను వ్యతిరేకిస్తూ పెద్ద ఎత్తున ఆందోళనకు దిగారు. వ్యవసాయ విద్యుత్ కనెక్షన్లకు మీటర్లు పెట్టేందుకోసమని.. ఆధార్ కార్డు, బ్యాంక్ అకౌంట్ పత్రాలు ఇవ్వాలని రైతులపై విద్యుత్ శాఖ సిబ్బంది ఒత్తిడి చేస్తున్నారని ఆగ్రహం వ్యక్తం చేశారు. ఈ చర్యలను నిరసిస్తూ.. చింతలపాడు గ్రామంలోని విద్యుత్ సబ్ స్టేషన్ వద్ద ధర్నా చేశారు. మాజీ ఎమ్మెల్యే తంగిరాల సౌమ్య, ఆ పార్టీ మాజీ ప్రధాన కార్యదర్శి కోటా వీరబాబు తదితరులు ఈ ధర్నాలో పాల్గొన్నారు. మోటార్లకు ఉచిత విద్యుత్ సరఫరా చేస్తున్నామని అంటూనే ముఖ్యమంత్రి జగన్.. రైతులను మోసం చేస్తున్నారని మాజీ ఎమ్మెల్యే సౌమ్య ఆరోపించారు. ఎన్నికల సమయంలో ఉచిత విద్యుత్ ఇస్తామని, ఇప్పుడేమో బిల్లులు వసూలు చేయడానికి సిద్ధమవుతున్నారని మండిపడ్డారు. వెంటనే ఈ విధానాన్ని వెనక్కి తీసుకోకపోతే.. పెద్దఎత్తున ఆందోళనలు నిర్వహిస్తామని హెచ్చరించారు.
ఇవీ చదవండి:
