తిప్పలు తప్పట్లేదు...నీటి సమస్య తీరట్లేదు

కర్నూలు నగరంలో నీటి సమస్య కొనసాగుతోంది. నీళ్లట్యాంకు వస్తేనే నీరు దొరికే పరిస్థితి నెలకొంది. కేసీ, తుంగభద్రలో నీరున్నప్పటికీ తిప్పలు తప్పడం లేదు..సమస్య తీరడం లేదు.

రాష్ట్రంలో తాగునీటి ఎద్దడితో ప్రజలు అనేక ఇబ్బందులు పడుతున్నారు. కర్నూలులోనూ ఇదే సమస్య కొనసాగుతోంది. నీళ్ల ట్యాంకు వస్తేనే నీరు దొరికే పరిస్థితి ఏర్పడింది. నగరంలోని లక్ష్మినగర్‌లో నీళ్ల ట్యాంక్ వద్ద మహిళలు, పిల్లలు ఎగబడ్డారు. ఈ క్రమంలో తోపులాట చోటుచేసుకుంది.. కొందరు తొపుడు బండ్లు, రిక్షాలతో నీటిని తీసుకెళ్లారు. కేసీ కాలువ, తుంగభద్రలో నీరున్నప్పటికీ నగరవాసులకి మాత్రం సమస్య తప్పటం లేదు. కొన్ని ప్రాంతాలకు 2, 3రోజులకోకసారి అధికారులు నీటిని సరఫరా చేస్తున్నారు. వేసవిలో నీరు సమృద్ధిగా ఉన్నా వర్షకాలంలో నీటికి ఇబ్బంది పడుతున్నామని ప్రజలు అంటున్నారు.