కర్నూలు జిల్లా నంద్యాల ఎన్జీఓ కాలనీకి చెందిన ఓ వివాహితపై అత్యాచారానికి పాల్పడిన ఇద్దరు వ్యక్తులను రెండో పట్టణ పోలీసులు అరెస్టు చేశారు.
పట్టణంలో కోటవీధికి చెందిన అదిల్ బాషా పాతిమానగర్లో ఉంటున్నాడు. అదిల్ బాషా, అతని మిత్రుడితో కలిసి జనవరిలో ఎన్జీఓ కాలనీలోని ఓ ఇంట్లో ఒంటరిగా ఉన్న వివాహితపై అఘాయిత్యానికి ఒడిగట్టారు. బాధితురాలి ఫిర్యాదు మేరకు కేసు నమోదు చేసిన పోలీసులు మార్చి మూడో తేదీన వారిని అరెస్టు చేశారు.
అరెస్టు చేయడంలో జాప్యంపై ఉన్నతాధికారులకు ఫిర్యాదు
తనపై అత్యాచారం చేసిన వారిని అరెస్టు చేయడంలో నంద్యాల రెండో పట్టణ పోలీసులు జాప్యం చేయడంపై బాధితురాలు ఉన్నతాధికారులకు ఫిర్యాదు చేసింది. అత్యాచారం చేసిన అదిల్ బాషా అధికార పార్టీకి చెందిన ఓ నాయకుడి బంధువు కావడంతో పోలీసులు ఉదారంగా వ్యవహరించారని దిశ పోలీస్ స్టేషన్ను ఆశ్రయించింది.
ఇదీ చదవండి: కనిపించకుండా పోయిన బాలుడు.. విగతజీవిగా తేలాడు!
