కర్నూలు జిల్లా డోన్ పట్టణం నెహ్రూ నగర్లోని ఎస్బీఐ ఏటీఎంలో గతంలో జరిగిన చోరీ కేసులో ఇద్దరు నిందితులను అరెస్టు(Two accused arrested in ATM theft case at done) చేశారు. ఆగస్టు 30న తెల్లవారుజామున 3 గంటల సమయంలో ఏటీఎం మిషన్ను గ్యాస్ కట్టర్తో కట్ చేసి రూ. 65,21,900 నగదు అపహరించారు. ఈ ఘటనపై కేసు నమోదు చేసిన పోలీసులు.. టోల్ గేట్ సీసీ కెమెరాలు, పట్టణంలోని సీసీ ఫుటేజ్ ఆధారంగా దర్యాప్తు చేపట్టారు.
హరియాణా రాష్ట్రానికి చెందిన చోరీ ముఠా.. ఈ దొంగతనం చేసినట్లు గుర్తించామని డీఎస్పీ శ్రీనివాస్రెడ్డి తెలిపారు. 'ముఠా నాయకుడు ఫరూక్తో సహా ఐదుగురు ఈ చోరీలో పాల్గొన్నారు. ఫరూక్, ఆరిఫ్, ఇమ్రాన్, హసన్, ముస్తకిం.. నంబరు ప్లేట్ లేని కారులో వచ్చి దొంగతనానికి పాల్పడ్డారు(ATM theft case at done). ఈ పని కేవలం 15 నిమిషాల్లో పూర్తి చేశారు. ఫరూక్ గతంలోనూ అనేక కేసుల్లో ప్రధానంగా నిందితుడిగా ఉన్నాడు. హైదరాబాద్ మోహిదీపట్నంలో ఆరిఫ్, ఇమ్రాన్ను సోమవారం అరెస్ట్ చేసి వాళ్ల వద్ద నుంచి రూ. 6 లక్షల 25వేల నగదును స్వాధీనం చేసుకున్నాం. మిగతా ముగ్గురు నిందితుల కోసం గాలిస్తున్నాం' అని డీఎస్పీ వివరించారు.
ఇదీ చదవండి..: ACCIDENT: జాతరకు వెళ్లి తిరిగి వస్తుండగా...
