శ్రీశైలం దర్శనానికి వస్తున్న ఒక శివదీక్ష భక్తుడు రోడ్డు ప్రమాదంలో మృతి చెందాడు. కర్నూలు జిల్లా గూడూరు మండలం పెంచికలపాడు గ్రామానికి చెందిన ఆరుగురు శివదీక్ష ధరించి.. శ్రీశైలం దర్శనానికి ఆటోలో బయలుదేరారు. శ్రీశైలానికి సమీపాన రామయ్య మలుపు వద్ద ఆటో బోల్తా పడింది. ఈ ఘటనలో ఆటోలో ఉన్న కురువ అశోక్ అనే యువ భక్తుడు కిందపడ్డారు. అతనిపై ఆటో పడింది. వెంటనే తోటి వారు అశోక్ను శ్రీశైల దేవస్థానం ఆసుపత్రికి తరలించారు. అప్పటికే అశోక్ ప్రాణాలు కోల్పోయినట్లు వైద్యలు తెలిపారు. తోటి శివ భక్తులు విషాదంలో మునిగిపోయారు. ఈ ఘటనపై శ్రీశైలం ఒకటో పట్టణ పోలీసులు విచారణ చేస్తున్నారు.
ఇదీ చదవండి: విశాఖ ఉక్కు ప్రైవేటీకరణ కుట్రలు మానుకోవాలి: వామపక్షాలు
