కర్నూలు జిల్లా కలెక్టర్ పీఏ అని చెప్పి.. కాంట్రాక్టర్ల వద్ద డబ్బులు డిమాండ్ చేసిన వ్యక్తిని.. పోలీసులు అరెస్ట్ చేశారు. బండి ఆత్మకూరుకు చెందిన పెద్ద మౌలాలి అనే వ్యక్తి.. కలెక్టర్ పీఏనని చెప్పి కాంట్రాక్టర్లకు ఫోన్ చేశాడు. కాంట్రాక్ట్ బిల్లులు ఇవ్వాలంటే.. రూ.లక్ష చేతిలో పెట్టాల్సిందేనని డిమాండ్ చేశాడు!
ఇతని వ్యవహారంపై అనుమానం వ్యక్తం చేసిన కాంట్రాక్టర్లు.. వెంటనే పోలీసులకు ఫిర్యాదు చేశారు. కేసు నమోదు చేసుకున్న పోలీసులు.. రంగంలోకి దిగారు. దర్యాప్తు చేపట్టి, నిందితుడు మౌలాలిని అరెస్టు చేశారు. ఇతనిపై గతంలో నాలుగు కేసులు ఉన్నాయని.. డీఎస్పీ మహేష్ తెలిపారు.
ఇదీ చదవండి:
