దారుణం.. అప్పు తీర్చలేదని వ్యక్తిపై దాడి

కర్నూలు జిల్లా నంద్యాలలో అప్పు కట్టలేదని కారణంతో హరినాథ్ అనే వ్యక్తిని కిరణ్ కిడ్నాప్ చేసి రాడ్లతో చితకబాదాడు. ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

తీసుకున్న అప్పు తిరిగి ఇవ్వలేదని ఓ వ్యక్తిని కిడ్నాప్ చేసి చితకబాదిన ఘటన కర్నూలు జిల్లా నంద్యాలలో చోటు చేసుకుంది. సాయిబాబానగర్​కు చెందిన హరనాథ్ అనే వ్యక్తి... చాగలమర్రి కిరణ్ అనే వ్యక్తి వద్ద రూ.50వేలు అప్పుగా తీసుకున్నాడు. ఈ మొత్తం తిరిగి ఇవ్వలేదని హరినాథ్​ను కారులో తీసుకెళ్లి రాడ్లతో చితకబాదారు. అనంతరం ప్రాంసరీ నోట్లపై సంతకాలు తీసుకొని వదిలేసినట్లు బాధితుడు తెలిపారు. నంద్యాల ప్రభుత్వ ఆస్పత్రిలో బాధితుడు చికిత్స పొందుతున్నారు. సంఘటనపై పోలీసులు విచారణ చేపట్టారు.

ఇవీ చదవండి

ఈతకు వెళ్లిన యువకుడు గల్లంతు... ఆందోళనలో బంధువులు