పోలీసు తనిఖీల్లో రూ. 50 లక్షల నగదు పట్టివేత

ఎటువంటి ఆధారాలు లేకుండా కారులో తరలిస్తున్న రూ. 50 లక్షలను పోలీసులు స్వాధీనం చేసుకున్నారు. కర్నూలు జిల్లా పంచలింగాల వద్ద తనిఖీల్లో.. నగదుతో పాటు వాహనాన్ని స్వాధీనం చేసుకున్నట్లు అధికారులు వెల్లడించారు.

కర్నూలు శివారు పంచలింగాల చెక్ పోస్టు వద్ద నిర్వహించిన సోదాల్లో.. పోలీసులు రూ. 50 లక్షల నగదు పట్టుకున్నారు. హైదరాబాద్ నుంచి వస్తున్న కారులో తనిఖీలు చేయగా.. ఎలాంటి ఆధారాలు లేని డబ్బును గుర్తించినట్లు పోలీసులు తెలిపారు.

కర్నూలు నగరానికి చెందిన వెంకటస్వామి అనే వ్యక్తితో పాటు వాహనాన్ని అదుపులోకి తీసుకుని.. తాలూకా పోలీస్ స్టేషన్​కు తరలించినట్లు వెల్లడించారు. విచారణ అనంతరం పూర్తి వివరాలు తెలుస్తాయని తనిఖీ అధికారులు చెప్పారు.

ఇదీ చదవండి: