రూ.2 లక్షల అద్దెను వద్దనుకున్నారు!

లాక్​డౌన్​తో దుకాణాలు అని మూతపడ్డాయి. చాలామంది చిన్నపాటి వ్యాపారులు పనిలేకపోవటంతో కష్టాలు పడుతున్నారు. ఇక అద్దెలు కట్టడం వారికి తలకు మించిన భారమే. ఈ సమయంలో ఓ భవన యజమాని మానవత్వం చాటుకున్నారు. 2 లక్షల రూపాయలకు పైగా వచ్చే అద్దెను వద్దనుకున్నారు.

కరోనా కాలంలో మానవత్వం చాటుకుంటున్నారు కొందరు వ్యక్తులు. కర్నూలు జిల్లా నంద్యాలకు చెందిన వసంత రాఘవ అనే వ్యక్తి తనకు వచ్చే అద్దె డబ్బులను వద్దనుకున్నారు. పట్టణంలో ఆర్టీసీ బస్టాండు సమీపంలోని ఓ భవన దుకాణ సముదాయాలకు ఈయన యజమాని. అందులో హోటల్, సెలూన్ వంటి 11 దుకాణాలు ఉన్నాయి. అతనికి ప్రతి నెలా దుకాణాలపై 2 లక్షల రూపాయలకు పైగా అద్దె వస్తుంది. లాక్​డౌన్​ దృష్ట్యా కిరాయిదారులు అద్దె చెల్లించడం భారమవుతుందని యజమాని వసంత రాఘవ భావించారు. ఏప్రిల్​ నెల అద్దె చెల్లించవద్దని దుకాణాల నిర్వాహకులకు తెలిపారు. అంతేకాదు ఇలాంటి సమయంలోనూ అతనికి చెందిన లాడ్జిలో పని చేసే సిబ్బందికి జీతం ఇస్తూ... భోజనం, వసతి కల్పిస్తున్నారు.

ఇదీ చదవండి