50 అడుగుల బావిలో పడిన జింక.. కాపాడిన అగ్నిమాపక సిబ్బంది

నీటి కోసం వచ్చిన ఓ జింక బావిలో చిక్కుకుంది. పైకి రాలేక గంటలపాటు అక్కడే ఉండిపోయింది. సమాచారం అందుకుని రంగంలోకి దిగిన అగ్నిమాపక సిబ్బంది చాకచక్యంగా జింకను బయటకు తీసుకొచ్చారు.

కర్నూలు సమీపంలోని దూపాడు వద్ద ఉన్న నీరు లేని బావిలో పడిన జింకను అగ్నిమాపక సిబ్బంది కాపాడారు. దూపాడు సమీపంలోని జాతీయ రహదారి పక్కన 50 అడుగుల లోతు ఉన్న బావిలో శుక్రవారం ఉదయం జింక పడి ఉండటాన్ని గ్రామస్థులు గుర్తించారు. వెంటనే అటవీ అధికారులకు విషయం తెలపగా... అగ్నిమాపక సిబ్బంది వచ్చి జింకను కాపాడారు. బయటకు తీసిన జింకను అటవీ శాఖ బీట్‌ ఆఫీసర్ సమీరుల్లాకు అప్పగించారు.