కర్నూలు జిల్లా ఆదోని పట్టణానికి చెందిన శ్రీకాంత్.. ఇండియా బుక్ ఆఫ్ రికార్డ్స్లో చోటు సంపాదించాడు. లక్ష్మి, పద్మనాభాచార్యుల కుమారుడైన శ్రీకాంత్... పేద కుటుంబ నేపథ్యమే అయినప్పటికీ, చిన్నప్పటి నుంచే కళల్లో రాణించేవాడు. విభన్నంగా ఆలోచిస్తూ.. తనకంటూ ఓ ప్రత్యకత చాటుకోవాలని అనుకునేవాడు. ఆ విధంగా చిత్రలేఖనంపై పట్టు సాధించాడు. ఎటువంటి చిత్రమైన గంటలోపే పూర్తి చేసే విధంగా నైపుణ్యం సాధించాడు.
శ్రీకాంత్ గీసిన మహాత్మా గాంధీ చిత్రంతో 2021 సంవత్సరం ఇండియా బుక్ ఆఫ్ రికార్డ్స్లో అవార్డు పొందాడు. అందరిలా చేస్తే తనకుంటూ గుర్తింపు ఉండదని... పేపర్ యాష్తో ఎటువంటి పెన్సిల్, బ్రష్ వంటివి లేకుండా కేవలం చేతి వేళ్లతో గాంధీ చిత్రాన్ని గీశాడు. ఈ నైపుణ్యానికి ఇండియా బుక్ ఆఫ్ రికార్డ్స్లో అవార్డు లభించింది. శ్రీకాంత్.. తాను గీసే చిత్రాలను యూట్యూబ్ ఛానెల్ ద్వారా ప్రచారం చేస్తున్నాడు.
ఇదీ చదవండి: ఉద్వేగానికి లోనైన భూమా నారాయణరెడ్డి
