రెండు బైకులు ఢీ.. ఒకరు మృతి, మరొకరికి తీవ్ర గాయాలు

కర్నూలు జిల్లా ఎర్రకోట సమీపంలో రోడ్డు ప్రమాదం జరిగింది. రెండు ద్విచక్ర వాహనాలు ఢీకొన్న ఘటనలో ఓ విశ్రాంత ప్రధానోపాధ్యాయుడు మృతి చెందగా.. మరో వ్యక్తి తీవ్రంగా గాయపడ్డాడు. మృతుడు సీపీఐ రాష్ట్ర కార్యదర్శి రామకృష్ణ బావమరిదిగా గుర్తించారు.

కర్నూలు జిల్లా ఎమ్మిగనూరు మండలం ఎర్రకోట సమీపంలో రెండు ద్విచక్ర వాహనాలు ఢీకొన్నాయి. ఈ ప్రమాదంలో విశ్రాంత ప్రధానోపాధ్యాయుడు ఎం.వి.ప్రసాద్(60) మృతి చెందగా.. మరో వ్యక్తి తీవ్రంగా గాయపడ్డాడు. ఎం.వి.ప్రసాద్ మే31న పదవీ విరమణ పొందారు. పాఠశాలలో నాడు-నేడు కార్యక్రమంలో భాగంగా ద్విచ్రవాహనంపై కర్నూలుకు వెళ్లి తిరిగి వస్తుండగా ప్రమాదం జరిగింది. గ్రామీణ పోలీసులు కేసు నమోదు చేసుకుని దర్యాప్తు చేస్తున్నారు. మృతుడు సీపీఐ రాష్ట్ర కార్యదర్శి రామకృష్ణ బావమరిదిగా గుర్తించారు.

ఇదీ చదవండి..