బ్లాక్ ఫంగస్ లక్షణాలతో కర్నూలు జిల్లాలో ఓ వ్యక్తి మృతి చెందారు. కర్నూలు జిల్లా ఎమ్మిగనూరు మండలం సి.నాగలాపురం గ్రామానికి చెందిన కె. వర ప్రసాద్ అనే వ్యక్తి వ్యాధి సోకి మృతి చెందాడు.
మూత్ర నాళల ఇన్ఫెక్షన్ రావడంతో..
కొవిడ్ లక్షణాలతో వరప్రసాద్ గత కొన్ని రోజుల క్రితం నంద్యాలలో ఓ ప్రైవేట్ ఆస్పత్రిలో చేరాడు. మహమ్మారి నుంచి కోలుకున్న తర్వాత బాధితుడికి మూత్ర నాళల ఇన్ఫెక్షన్ రావడంతో మరో ఆస్పత్రిలో చేరగా వైద్యులు బ్లాక్ ఫంగస్ లక్షణాలు ఉన్నట్లు గుర్తించారు. ఈ క్రమంలో నాలుగు రోజుల క్రితం నంద్యాల ప్రభుత్వ వైద్యశాలలో చేర్పించగా అక్కడ చికిత్స పొందుతూ మరణించారు. ఈ మేరకు దేహాన్ని స్వగ్రామానికి తరలించినట్లు వైద్యులు తెలిపారు.
ఇవీ చూడండి : తహశీల్దార్ నాగిని డ్యాన్స్.. లాక్డౌన్ నిబంధనలు బేఖాతర్
