కృష్ణా జిల్లా గుడివాడ టూ టౌన్ ఎస్సై విజయ్ కుమార్.. వ్యక్తిగత కారణాల వల్లే ఆత్మహత్య చేసుకున్నారని డీఎస్పీ సత్యానందం స్పష్టం చేశారు. కేసును సమగ్రంగా దర్యాప్తు చేస్తున్నామని చెప్పారు. పేకాట దాడుల నిర్వహణలో ఒత్తిడులకు తట్టుకోలేకే ఎస్సై బలవన్మరణానికి పాల్పడ్డారంటూ.. మాజీ మంత్రి దేవినేని ఉమా చేసిన వ్యాఖ్యల్లో నిజం లేదన్నారు.
కారణాలు తెలుసుకోకుండా దేవినేని చేసిన వ్యాఖ్యలు సరైనవి కాదని డీఎస్పీ అసంతృప్తి వ్యక్తం చేశారు. ఈ తీరును పోలీసు శాఖ తరఫున తీవ్రంగా ఖండిస్తున్నామని చెప్పారు. ఆయన చేసిన ఆరోపణలపై ఆధారాలు చూపించాలని నోటీసులు జారీ చేయనున్నట్లు తెలిపారు. రాజకీయ లబ్ధి కోసం పోలీసులను వాడుకోవద్దని కోరారు.
ఇదీ చదవండి:
గుడివాడ ఎస్సై ఆత్మహత్య కేసులో ప్రియురాలికి జ్యుడీషియల్ కస్టడీ
