వ్యసనాలకు బానిసలై దోపిడీలు చేస్తున్న యువకులు

కృష్ణా జిల్లా తడిగడపలో చెడు వ్యసనాలకు బానిసలైన ఐదుగురు యువకులు దారి దోపిడీలకు పాల్పడుతూ పోలీసులకు చిక్కారు.

కృష్ణా జిల్లా పెనమలూరు మండల పరిధిలోని తడిగడప, యనమలకుడురు, కనురు గ్రామాలకు చెందిన మణికంఠ, తరుణ్, మహేష్, ఆసిఫ్, వినయ్ సాయి స్నేహితులు. వీరిలో మణికంఠ, తరుణ్ పాతనేరస్థులు. యువకులంతా చెడు వ్యసనాలకు అలవాటుపడి.. నగదు కోసం దారిదోపిడికి పాల్పడుతున్నారు. ఈనెల 14రాత్రి తడిగడప కూడలిలో ఒక వ్యాను ఆపి డ్రైవర్​పై దాడి చేశారు. అతని వద్ద నుంచి 6వేల 600 రూపాయల నగదు, చరవాణి తీసుకుని పరారయ్యారు. వ్యాను డ్రైవర్ యువకుల వాహనం నెంబరు గుర్తుపట్టి పోలీసులకు సమాచారం ఇచ్చాడు. సీఐ పెద్దిరాజు బృందం యువకులను అదుపులోకి తీసుకున్నారు.

ఇది కూడా చదవండి.