దేవాలయ భూమిని పాడు చేసిన వారిపై కేసులు పెడతాం: ఈవో సురేశ్ బాబు

కృష్ణా జిల్లా కంకిపాడు మండలం పునాదిపాడులో.. దుర్గామల్లేశ్వర స్వామి దేవస్థానానికి చెందిన భూములను ఆలయ ఈవో సురేశ్ బాబు పరిశీలించారు. ఓ ప్రైవేటు విద్యాసంస్థ.. ఆ భూమిలోకి మురుగు నీరు వదులుతోందని ఆగ్రహం వ్యక్తం చేశారు. దేవాలయ భూమిని పాడుచేసిన వారిపై క్రిమినల్ కేసులు పెట్టనున్నట్లు ఆయన తెలిపారు.

కృష్ణా జిల్లా కంకిపాడు మండలం పునాదిపాడులో.. దుర్గామల్లేశ్వర స్వామి దేవస్థానానికి చెందిన భూమిలోకి ఓ విద్యా సంస్థ మురుగు నీరు వదులుతోందని ఈవో సురేశ్‌ బాబు ఆగ్రహం వ్యక్తం చేశారు. సుమారు ఏడున్నర ఎకరాల దేవస్థానం భూమిని 6 నెలల కిందట సర్వే చేయించి రాళ్లు వేయించామని చెప్పారు.

ఆ రాళ్లను తొలగించారని మండిపడ్డారు. వ్యవసాయం కోసమని కౌలుకు తీసుకున్న వ్యక్తి.. విద్యా సంస్థల యాజమాన్యంతో కుమ్మక్కై భూమిని పాడుచేశారని ఆరోపించారు. ఈ విషయంలో సంబంధిత విద్యాసంస్థల యాజమాన్యంపై క్రిమినల్ కేసులు పెట్టనున్నట్లు ఈవో తెలిపారు.

ఇదీ చదవండి: