ఎగువ నుంచి ప్రవాహం తగ్గిపోయిన కారణంగా.. తెలంగాణలోని నల్గొండ జిల్లా నాగార్జున సాగర్ ప్రాజెక్టుకు స్పల్ప స్థాయిలో వరద చేరుతోంది. ఇప్పటికే ప్రాజెక్టు పూర్తి స్థాయి నీటిమట్టానికి చేరుకుంది. వచ్చిన వరదను 2 క్రస్టు గేట్లను ఎత్తి అధికారులు దిగువకు వదులుతున్నారు. సాగర్ ఇన్ఫ్లో 50 వేల 995 క్యూసెక్కులు కాగా అంతే మొత్తంలో విడుదల చేస్తున్నారు. జలాశయం పూర్తి స్థాయి నీటిమట్టం 590 అడుగులు కాగా.. ప్రస్తుతం 589.4 అడుగుల వద్ద కొనసాగుతోంది. సాగర్ పూర్తి స్థాయి నీటినిల్వ సామర్థ్యం 312.04 టీఎంసీలు కాగా.. ప్రస్తుతం 310.25 టీఎంసీలకు చేరుకుంది.
అటు సూర్యాపేట జిల్లా పరిధిలోని పులిచింతల ప్రాజెక్టు గేటు కొట్టుకుపోయిన ఘటనతో 45 టీఎంసీల్లో 40 టీఎంసీల నీరు దిగువకు విడుదలైంది. మళ్లీ ఇప్పుడిప్పుడే జలాశయానికి నీరు చేరుతోంది. సాగర్ నుంచి వస్తున్న నీటితో ప్రస్తుతం పులిచింతల సగానికి పైగా నిండింది. జలాశయానికి ఇన్ఫ్లో 42 వేల 335 క్యూసెక్కులు కాగా.. ఔట్ఫ్లో 13 వేల 400గా ఉంది. ప్రాజెక్టు గరిష్ఠ నీటి నిల్వ సామర్థ్యం 45.77 టీఎంసీలు కాగా 27.60 టీఎంసీల నీరు నిల్వ ఉంది.
ఇదీ చదవండి:
Land Survey: జూన్‌ 2023 నాటికి సమగ్ర భూసర్వే పూర్తి కావాలి: సీఎం జగన్
