Thief Caught: దొంగతనానికి వచ్చి చెరువులో దూకాడు.. తర్వాత?

Thief Caught At Nunna: విజయవాడ శివారు నున్నలో దొంగతనానికి వచ్చిన బ్లేడ్ బ్యాచ్ ముఠా.. సభ్యుడికి వింత పరిస్థితి ఎదురైంది. కూలీల నుంచి డబ్బు లాక్కొని వెళ్లే క్రమంలో జనం దొంగను వెంబడించారు. ఏం చేయాలో పాలుపోని దొంగ పక్కనే ఉన్న చెరవులో దూకేశాడు!

Thief Caught At Nunna: విజయవాడ శివారు నున్నలో బ్లేడ్ బ్యాచ్ కలకలం సృష్టించారు. పాల ఫ్యాక్టరీలో పనిచేసే కూలీల వద్ద నుంచి రూ.3 వేలు లాక్కొని.. ద్విచక్రవాహనంపై పారిపోయే ప్రయత్నం చేశారు. జనం వెంబడించటంతో ఓ దొంగ బండిపై నుంచి కింద పడి.. తప్పించుకునే క్రమంలో పక్కనే ఉన్న మంచినీటి చెరువులోకి దూకాడు. చెరువును చుట్టుముట్టిన జనం.. చెరువులోకి దిగి దొంగను బంధించారు. అనంతరం దేహశుద్ధి చేసి పోలీసులకు అప్పగించారు.

పట్టుబడిన దొంగ రౌడీషీటర్ ఏబేలుగా పోలీసులు గుర్తించారు. మరో ఆరుగురు దొంగలు పరారైనట్లు వెల్లడించారు. నిందితుడిపై గతంలోనూ పలు కేసులు ఉన్నట్లు తెలిపారు.

ఇదీ చదవండి