లేగదూడ మరణంతో ఓ గోమాత మూగ రోదన.. మాతృ ప్రేమకు అద్ధంపట్టింది. లారీ ఢీకొని ఆవు దూడ చనిపోయింది. ఇది చూసి తల్లడిల్లిన తల్లి ఆవు రోదన.. స్థానికులను కలచివేసింది. ఈ ఘటన కృష్ణాజిల్లా కోడూరు విద్యుత్ సబ్ స్టేషన్ సమీపంలో చోటు చేసుకుంది.
బిడ్డ మరణాన్ని జీర్ణించుకోలేని ఆ గోమాత.. గంటల తరబడి అక్కడే కూర్చుని లేగదూడను నిమురుతూ ఉండిపోయింది. గోమాత బాధను చూడలేని స్థానికులు.. చనిపోయిన దూడను అక్కడి నుంచి తీసుకెళ్లారు. ఆ తర్వాత గోవు మరింత విషణ్న వదనంతో కనిపించింది. రాత్రి వరకూ రహదారుల వెంట అరుస్తూనే తిరిగింది. బిడ్డ కోసం తల్లి ఆవు పడిన వేదన స్థానికులను కలచివేసింది. బహూషా తల్లి ప్రేమ గొప్పదనాన్ని చాటిచెప్పే ఘటన ఇంతకంటే మరొకటి ఉండదేమో!
