'రాష్ట్రంలో రాజారెడ్డి రాజ్యాంగం అమలు చేస్తున్నారా?'

దళితులపై దాడులను ఖండిస్తూ తెలుగుదేశం పిలుపు మేరకు పార్టీ శ్రేణులు రాష్ట్రవ్యాప్తంగా ఆందోళనలు చేపట్టారు. ప్రభుత్వానికి వ్యతిరేకంగా నినాదాలు చేశారు. రాష్ట్రంలో రాజారెడ్డి రాజ్యాంగం అమలు చేస్తున్నారా అని ప్రశ్నించారు.

రాష్ట్రంలో దళితులపై దాడులకు నిరసనగా బుధవారం రాష్ట్రవ్యాప్తంగా తెదేపా శ్రేణులు ఆందోళనలు నిర్వహించారు. 65 నియోజకవర్గ కేంద్రాలు, 132 మండల కేంద్రాల్లో నిరసనలు ఈ నిరసనలు కొనసాగాయి. అంబేడ్కర్ విగ్రహాలకు పాలాభిషేకాలు, వినతిపత్రాలు, బైఠాయింపులు... ఇలా పలు విధాలుగా ఈ నిరసనలు తెలిపారు. లాక్​డౌన్ నిబంధనలకు అనుగుణంగా 13 జిల్లాలలో జరిగిన నిరసన కార్యక్రమాల్లో తెదేపా నాయకులు, కార్యకర్తలు, దళిత సంఘాల ప్రతినిధులు పాల్గొన్నారు. రాష్ట్రంలో దళితులపై జరిగిన దాడులను వారు ఖండించారు.

దేశంలో ఏ రాష్ట్రంలోనైనా దళితులపై ఇన్ని అఘాయిత్యాలు జరిగాయా అని మండిపడ్డారు. రాష్ట్రంలో రాజారెడ్డి రాజ్యాంగం అమలు చేస్తున్నారా అంటూ ప్రశ్నించారు.

ఇదీ చదవండి