కృష్ణా జిల్లా మైలవరం పోలీస్ స్టేషన్ పరిధిలో అక్రమంగా తరలిస్తున్న మద్యం బాటిళ్లను పోలీసులు స్వాధీనం చేసుకున్నారు. అనంతవరం, పంగిడి చెరువు ప్రాంతాల్లో విస్తృతంగా వాహనాల తనిఖీలు నిర్వహిస్తుండగా తెలంగాణ నుంచి అక్రమంగా తరలిస్తున్న మద్యాన్ని అధికారులు పట్టుకున్నారు. 1871 మద్యం బాటిళ్లను స్వాధీనం చేసుకోగా.., 11 మంది వ్యక్తులను అదుపులోకి తీసుకున్నట్లు తెలిపారు. మూడు ఆటోలు, ఒక బైక్ సీజ్ చేసినట్లు నూజివీడు డీఎస్పీ శ్రీనివాసులు తెలిపారు. వారిపై కేసు నమోదు చేసి కోర్టుకు తరలించనున్నట్లు పేర్కొన్నారు. ఈ సందర్భంగా మహిళా హోమ్ గార్డ్కు డీఎస్పీ శ్రీనివాసులు రివార్డ్ అందజేశారు.
ఇవీ చూడండి...
